سی پیک کے تحت برآمدات میں اضافے کی کاوشوں کو بروئے کار لا رہے ہیں، حکام سی پیک اتھارٹی

اسلام آباد : چین پاکستان اقتصادی راہداری (سی پیک) منصوبہ کے تحت دونوں ممالک مشترکہ تجارتی سرگرمیوں کے فروغ کے ذریعے صنعتوں کو مستحکم کرنے اور پاکستان کی برآمدات میں اضافے کے لئے اپنی کاوشوں کو بروئے کار لا رہے ہیں۔ سی پیک اتھارٹی کے حکام کے مطابق خصوصی اقتصادی زونز مرحلہ وار  فعال ہوں گئے چونکہ ان کے لئے جدید انفراسٹریکچر کی تمام تر سہولیات کا ہونا ضروری ہے اور اس کے ساتھ 80 فیصد حصص مقامی ہونے کی بھی شرط ہے۔ علامہ اقبال انڈسٹریل سٹی کے حوالے سے آگاہ کرتے ہوئے انہوں نے کہا کہ فیصل آباد کے ایم3 خصوصی اقتصادی علاقے کیلئے چینی کمپنیوں کے ساتھ 11 مشترکہ منصوبوں پر معاہدے طے پاگئے ہیں۔ اس کے علاوہ چین نے 15 ووکیشنل سینٹرز کی تعمیر کا بھی بیڑا اٹھایا ہے۔