پٹرولیم مصنوعات کی قیمتیں کم کی جائیں ، تبدیلی سرکار یاد رکھے یہ وقت اقدامات اٹھانے کا ہے ،خواب دکھانے کا وقت گزر چکا ہے، عامر صدیقی

راولپنڈی:جمہوری حکومتیں عوامی حقوق کا تحفظ یقینی اور ان کی زندگیوں کو سہل بناتی ہیں یہ وقت اقدامات اٹھانے کا ہے خواب دکھانے کا وقت گزرگیا ان خیالات کا اظہار پاکستان پیپلزپارٹی کے سابق امیدوار اور ترقی پسند فلاحی تنظیم کے صدر محمد عامر صدیقی نے ایک بیان میں کیا ۔انھوں نے کہاکہ پاکستان سمیت دنیابھر میں کرونا وبا نے تباہی مچا رکھی ہے کہیں لاک ڈائون تو کہیں جشن کا سما دکھائی دے رہا ہے اس گوںمگوںماحول میں وبا کے شکا ر افرادکی تعداد میں بھی روز بروز اضافہ دکھائی دے رہا ہے۔ دکانداروکاروباری دیہاڑی دار طبقہ کاروباری حالات کے سبب شدید مشکلات سے دوچار ہیںگھروں ، دکانوں کے کرائے دیگرمعاملات زندگی انہیںڈپریشن کا مریض بنا رہے ہیں تبدیلی سرکار جب اپوزیشن میں تھی تو عالمی مارکیٹ میں پیٹرولیم مصنوعات کی قیمتیں آج کے مقابلے میں مہنگی ہونے کے باوجود قیمتوں میں کمی اور قیمت پینتالیس روپے تک لانے کا مطالبہ کرتی رہی ہے عامر صدیقی نے کہا کہ آج دنیا بھر میں پیٹرولیم مصنوعات کی قیمتیں انتہائی کم سطح تک گر چکی ہیں اور اب تبدیلی سرکار حکومت میں ہے لہذا انہیں پیٹرولیم مصنو عات کی قیمتیں کم نہیں انتہائی کم کرنی ہے یا کم ازکم پینتالیس روپے لیٹر ہی کر دے تا کہ اس کمی سے مہنگائی میں واضح کمی ہواورعام آدمی اس سے مستفیدہو سکیںاور ان ثمرات سے عام آدمی کی زندگی سہل بنے تبھی ملک ترقی و خوشحالی کی راہ پر گا مزن ہو گا۔