انجمن تاجراں بلیو ایریا کے انتخابات کے حوالے سے اہم اجلاس

اسلام آباد:انجمن تاجران بلیو ایریا کے انتخابات کے حوالے سے ایک اہم اجلاس سابق صدر بلیو ایریا شیخ عبدالسلیم کی دعوت پر ان کے آفس میں منعقد ہوا جس میں چاروں تاجر گروپس کے لیڈر ان و چیئرمین نے شرکت کی۔ اجلاس میں چاند تارہ گروپ کے چیئرمین ملک صغیر ،شیخ عبدالسلیم ٹائیگر گروپ ، سید عمران بخاری تاجر انصاف پھول گروپ ، فرقان مرتضی چودھری شاہین گروپ نے شرکت کی اجلاس میں یہ طے پایا کہ بلیو ایریا میں فوری الیکشن کروائے جائیں ،جنرل باڈی کا اجلاس فوری بلایا جائے، بلیو ایریا کی فوری کونسل بنائی جائے ،الیکشن کروانے کے لئے عبوری باڈی تشکیل دی جائے ۔چاند تارہ گروپ کے چیئرمین ملک صغیر نے اپنی رائے کا اظہار کرتے ہوئے کہا کہ مندرجہ بالا سارے کام ICCI کے الیکشن کے بعد کروائے جائیں۔بعدازاں باقی تینوں گروپوں کی کثرت رائے سے 10ستمبر بروز جمعہ المبارک کی تاریخ طے ہوگئی ہے۔ باقی تفصیلات سرکلر کے ذریعے تاجران بلیو ایریا کی خدمت میں پیش کی جائے گی ۔