پی ڈی ایم کی کال کو عوام نے مسترد کر دیا، فضل الرحمان صرف چوروں کی امامت کرتے ہیں، عامر مغل

اسلام آباد:پاکستان تحریک انصاف کے مرکزی ڈپٹی سیکرٹری اطلاعات عامر مغل نے کہا ہے کہ پی ڈی ایم کی کال کو عوام نے مسترد کر دیا۔ اسٹیڈیم بھرنے کا دعوی کرنے والے ملک بھر سے 10ہزار افراد بھی جمع نہیں کر سکے پی ڈی ایم کے گوجرانوالہ جلسے پر ردعمل دیتے ہوئے کہا انہوں نے کہا کہ فضل الرحمان واحد مذہبی رہنما ہیں جو صرف چوروں کی امامت کرتے ہیں۔ اور تمام چوروں کے متفقہ لیڈر کے طور پر سامنے آئے ہیں۔ 11پارٹیاں ملکر بھی عوام کو باہر نہیں نکال سکیں۔ پاکستان ڈاکو موومنٹ عوام سے لوٹے ہوئے اربوں روپے خرچ کر کے بھی عوام کو جمع نہ کر سکی۔ پنجاب کی عوام نے اپوزیشن کا بیانیہ رد کر دیاہے ۔ انہوں نے کہا عوام منتخب حکومت اور اداروں کے ساتھ کھڑی ہے۔ پاکستان میں مہنگائی کے اصل ذمہ دار گوجرانوالہ اسٹیج پر اکٹھے تھے۔ ان ہی کی لوٹ مار کی وجہ سے آج پاکستانی عوام مہنگائی کی چکی میں پس رہی ہے۔ انہوں نے کہا کہ اپوزیشن نے این آر او نہ ملنے کہ وجہ سے تحریک شروع کی ہے جس کی وجہ سے عوام نے اس تحریک کو رد کر دیا۔