بچوں سے ملنے پر سگے بھائیوں کے ہاتھوں مطلقہ بہن کا مبینہ قتل

مظفرگڑھ :علی پور میں بچوں سے ملنے پر سگے بھائیوں نے بہن کا مبینہ قتل کردیا۔ پولیس زرائع کے مطابق مظفرگڑھ کی تحصیل علی پور میں تھانہ صدر کی حدود میں موضع مکول ہڈیر کی رہائشی عائشہ خاتون کو 2 سال قبل طلاق ہو گئی تھی اس کے 4 بچے تھے وہ اپنے بچوں سے ملاقات کرنے گئی تو اس کے بھائی عزیز اور نعیم پتہ چلنے پر اس کے پیچھے گئے اور اسے گھسیٹتے ہوئے گھر لائے جہاں اس پر تشدد کرنے کے بعد گلہ دبا کر قتل کر دیا اور موقع سے فرار ہو گئے۔ پولیس تھانہ صدر علی پور نے لاش تحویل میں لے کر پوسٹمارٹم کیلئے ٹی ایچ کیو ہسپتال علی پور منتقل کر دی ہے اور مقدمہ درج کرکے ملزمان کی تلاش شروع کر دی ہے۔