شنگھائی تعاون تنظیم سربراہی اجلاس ، 14 تا 16 اکتوبر اسلام آباد میں تعطیلات کااعلان

اسلام آباد:شنگھائی تعاون تنظیم کے اسلام آباد میں ہونے والے سربراہی اجلاس کے باعث شہر میں 14 تا 16 اکتوبر تک تعطیلات کااعلان کیاگیا۔اس دوران تمام سرکاری دفاتر اور سکول وکالجز بند رہیں گے۔ تاہم وفاق کے زیرِ انتظام راولپنڈی، اسلام آباد کے تمام ہسپتال، پبلک ہیلتھ فیسیلیٹیز کھلی رہیں گی۔وفاقی وزارتِ قومی صحت کی جانب سے وفاق کے زیرِ انتظام ہسپتالوں کو ہدایت جاری کرد ی گئی ہیں۔ پمز ہسپتال، پولی کلینک ہسپتال، نوری ہسپتال، فیڈرل جنرل ہسپتال کے سربراہان کو ہدایت جاری کردی گئی ہے۔اسلام آباد ڈسٹرکٹ ہیلتھ آفس، راولپنڈی ٹی بی ہسپتال کے سربراہان کو ہدایت جاری کر دی گئیں۔