پنجاب کے 38 شہروں میں توڑ پھوڑ سے 19 کروڑ 70 لاکھ روپے کا نقصان ہوا
9 مئی کو کوئی احتجاج یا ریلی نہیں درحقیقت ایک ادارے پر حملہ تھا،پنجاب بھر میں 319 مقدمات درج ہوئے
اسلام آباد(خصوصی رپورٹر)سانحہ 9 مئی کے نقصانات کے حوالے سے پنجاب حکومت نے رپورٹ سپریم کورٹ میں جمع کرادی ہے۔ رپورٹ میں بتایا گیا ہے کہ ان واقعات کے پنجاب بھر کے 38 اضلاع میں 319 مقدمات درج ہوئے، کل ملزمان کی تعداد 35 ہزار 962 ہے۔
صوبائی حکومت کی جانب سے جمع کرائی گئی رپورٹ میں بتایا گیا ہیکہ پنجاب میں 9 مئی واقعات سے 19 کروڑ 70 لاکھ روپے کا نقصان ہوا اور پنجاب کے 38 شہروں میں توڑ پھوڑ کرتے ہوئے املاک کو نقصان پہنچایا گیا۔
رپورٹ کے مطابق لاہور میں 11 کروڑ، راولپنڈی میں 2 کروڑ 60 لاکھ اورمیانوالی میں 5 کروڑ روپے کی املاک کو نقصان پہنچایا گیا۔
رپورٹ میں بتایا گیا ہے کہ 9 مئی کو ایک ادارے پر حملہ کیا گیا، 9 مئی کو احتجاج یا ریلی نہیں ادارے پر حملہ تھا، ان واقعات کے پنجاب بھر کے 38 اضلاع میں 319 مقدمات درج ہوئے، کل ملزمان کی تعداد 35 ہزار 962 ہے جب کہ 9 مئی واقعات کے 24 ہزار 595 ملزمان تاحال مفرور اور 11 ہزار 367 ملزمان گرفتار ہیں۔
سانحہ 9 مئی نقصانات ،پنجاب حکومت نے رپورٹ سپریم کورٹ میں جمع کرادی
