عثمان بزدار کو پنجاب جیسے اہم صوبے کا وزیراعلی بنانے کا پارٹی کو بہت زیادہ نقصان ہوا
اسلام آباد:پاکستان تحریک انصاف کے سابق رہنماء اور پی ٹی آئی دور حکومت کے سابق وزیر خزانہ اسد عمر بھی بانی پی ٹی آئی کے احمقانہ فیصلوں کے خلاف بول پڑے ہیں اور انہوں نے تسلیم کیا ہے کہ بانی پی ٹی آئی کے ان احمقانہ فیصلوں سے پارٹی کو کافی نقصان ہوا ہے ۔
"جیو نیوز ” کے مطابق پاکستان تحریک انصاف (پی ٹی آئی) کے دور میں وفاقی وزیر خزانہ رہنے والے بانی پی ٹی آئی کے قریبی ساتھی اسد عمر نے بھی تحریک انصاف کے بانی کی طرف سے عثمان بزدار کو پنجاب کی وزارت اعلی دینے کے فیصلے کا تمسخر اڑا دیا ہے ۔ایک نجی محفل میں گفتو کرتے ہوئے اسد عمر نے انکشاف کیا کہ ایک دن بانی پی ٹی آئی نے انھیں بتایا کہ پنجاب کیلیے زبردست وزیراعلی مل گیا ہے، میں نے پوچھا کون ہے وہ؟ تو انہوں نے بتایا کہ اس کا نام عثمان بزدارہے۔اسد عمر نے کہا کہ میں نے پہلے کبھی نام نہیں سنا تھا اس لیے دوبارہ پوچھنے پر بانی پی ٹی آئی نے بتایا کہ وہ عثمان بزدار ہے جس کے گھر بجلی بھی نہیں ہے۔ بانی پی ٹی آئی کے اس غلط فیصلے کا بہت زیادہ نقصان ہوا۔انہوں نے کہا کہ میں نے سوچا کہ وہ اتنا نکما تحصیل ناظم ہے کہ جس کے اپنے گھرنہیں جو تحصیل ناظم ہو کر اپنے گھر بجلی نہیں لگوا سکا وہ عوام کی کیا خدمت کرے گا۔
