باجوڑ: ہیلی کاپٹر خراب موسم کے باعث گر کر تباہ ہوا

حادثے کے شکار حکومتی ہیلی کاپٹر عملہ کی تصاویر جاری کر دی گئیں
پشاور:خیبرپختونخوا حکومت نے ہیلی کاپٹر کریش ہونے سے متعلق ابتدائی رپورٹ تیار کر لی ہے جس میں کہا گیاہے کہ ہیلی کاپٹر خراب موسم کی وجہ سے گر کر تباہ ہوا۔10 بج کر 30 منٹ پر باجوڑ کے لئے روانہ ہوا ، 12 بجے کے قریب ہیلی کاپٹر سے رابطہ منقطع ہوا ، 4 بجے ہیلی کاپٹر کو ٹریس کیا گیا۔
سرکاری حکام کے مطابق ہیلی کاپٹر کو مہنمد میں کریش پایا گیا، جس پہاڑی پر ہیلی کاپٹر کریش ہوا وہ تقریبا 8 ہزار میٹر بلندی پر ہے، جائے وقوعہ کے آس پاس کوئی آباد ی نہیں ہے، پولیس ضلعی انتظامیہ اور دیگر متعلقہ اداروں نے جائے وقوعہ پرامدادی سرگرمیاں شروع کیں، 5 شہدا کی لاشیں پشاور منتقل کردی گئیں۔
باجوڑ میں حادثے کے شکار حکومتی ہیلی کاپٹر عملہ کی تصاویر جاری کر دی گئیں ، دو پائلٹ سمیٹ ایک کریو ممبر کی تصاویر منظرعام پر آئی۔شہید ہونے والے پائلٹس کے نام کیپٹن ریٹائرڈ لیفٹیننٹ کرنل شاہد سلطان، اور کیپٹن آفتاب تھے، فلائٹ انجینئر سلیم، عبدالجبار، مختیار خان شہدا میں شامل ہیں۔