کوہلی ون ڈے اور ٹی20 میں 18436رنز کے ساتھ سب سے آگے ہیں
انہوں نےآسڑیلیا کے خلاف آخری ون ڈے میں 74 رنز کی اننگز کھیل کر یہ اعزاز اپنے نام کیا
18336رنز کے ساتھ دوسرا نمبر بھی بھارت کے سابق کپتان ٹنڈولکرکے پاس ہے تاہم10کے علاوہ لٹل ماسڑ کے سارے رنز ون ڈے میںہیں
اسلام آباد:بھارت کے اسٹار بیٹر ویرات کوہلی نے وائٹ بال کرکٹ میں سب سے زیادہ رنز بنانے کا عالمی ریکارڈ اپنے نام کر لیا ہے. اس طرح انہوں نے سابق بھارتی لیجنڈری کرکٹر سچن ٹنڈولکر کا انٹرنیشنل وائٹ بال کرکٹ میں سب سے زیادہ رنز بنانے کا ورلڈ ریکارڈ بھی توڑ دیا ہے۔
ویرات کوہلی نے آسٹریلیا کے خلاف سڈنی کرکٹ گراؤنڈ میں تیسرے اور سیریز کے آخری ون ڈے میچ کے دوران 74 رنز کی میچ وننگ اننگز کھیل کر تاریخی سنگِ میل عبور کیا۔اس طرح ویرات کوہلی انٹرنیشنل وائٹ بال کرکٹ(ون ڈے +ٹی ٹوئنٹی) میں سب سے زیادہ رنز بنانے والے کرکٹر بن گئے ہیں۔
کوہلی نے 305 ون ڈے انٹرنیشنل میں 14 ہزار 255 اور ٹی ٹوئنٹی انٹرنیشنل میں 125 میچز میں 4188 رنز بنا رکھے ہیں۔یہ کوہلی کے انٹرنیشنل وائٹ بال کرکٹ میں مجموعی طور پر 18 ہزار 443 رنز بنتے ہیں۔جو کہ دنیا میں کسی بھی بیٹر کی جانب سے سب سے زیادہ رنز ہیں۔
اس سے قبل انٹرنیشنل وائٹ بال کرکٹ میں سب سے زیادہ رنز کا ریکارڈ بھارت کے سابق کپتان سچن ٹنڈولکر کے پاس تھا، جنہوں نے ون ڈے انٹرنیشنل میں 18 ہزار 426 اور واحد ٹی ٹوئنٹی انٹرنیشنل میں 10 رنز بنائے۔ ٹنڈولکر کو یہ اعزاز حاصل ہے کہ ایک ٹی 20 میں دس رنز کے علاوہ ان کے تمام رنز ون ڈے کرکٹ کے ہیں. سچن ٹنڈولکرکے انٹرنیشنل وائٹ بال کرکٹ میں مجموعی طور پر 18 ہزار 436 رنز بنتے ہیں۔
اس فہرست میں تیسرا نمبر سری لنکا کے سابق کپتان کمار سنگارا کا ہے جن کے ون ڈے اور ٹی ٹوئنٹی انٹرنیشنل میں مجموعی رنز 15 ہزار 616 ہیں۔
واضح رہے کہ ون ڈے انٹرنیشنل کرکٹ میں سب سے زیادہ رنز بنانے کا عالمی ریکارڈ اب بھی بھارتی لیجنڈ سچن ٹنڈولکر ہی کے پاس ہے، جنہوں نے 463 میچوں 44.83 کی اوسط سے 18،426 رنز بنارکھے ہیں.
