چین کی بیلٹ روڈ ممالک کے ساتھ تجارت 120 بلین امریکی ڈالر تک پہنچ گئی

بیجنگ :چین کی ایک پٹی ایک شاہراہ منصوبے سے وابستہ ممالک کے ساتھ تجارت 120 بلین امریکی ڈالر تک پہنچ گئی۔ چائنہ ریڈیو انٹرنیشنل کے مطابق چینی وزارت تجارت نے کہا ہے کہ گزشتہ سال چین کی ایک پٹی ایک شاہراہ منصوبے سے وابستہ ممالک اورعلاقوں کے ساتھ تجارت 120 بلین امریکی ڈالر تک پہنچ گئی۔چین کے نائب وزیر تجارت نے کہا ہے کہ سال 2018 میں، چین اورایک پٹی ایک شاہراہ منصوبے سے وابستہ ممالک اورعلاقوں کے درمیان خدمات کی تجارت کی درآمدات اور برآمدات کا حجم 121.7 بلین امریکی ڈالر تھا۔ ان کا کہنا ہے کہ چین مسلسل پانچ سالوں سے سروس تجارت میں دنیا کا دوسرا سب سے بڑا ملک رہا ہے، جسکا 2018 میں مجموعی حجم 759 بلین امریکی ڈالر تک پہنچ گیا-