اقوام متحدہ میں بیلٹ اینڈ روڈ فورم سے متعلق دستاویزات جاری

نیویارک :چین میں منعقدہ دی بیلٹ اینڈ روڈ بین الاقوامی تعاون کے اعلی سطحی فورم کے دوران حاصل شدہ نتائج کی دستاویزات اقوام متحدہ میں جاری کی گئیں۔ چائنہ ریڈیو انٹرنیشنل کے مطابق ان دستاویزات میں فورم کے دوران چین کے صدر شی جن پنگ کی تقریر اور سربراہ اجلاس کے بعد جاری ہونے والا مشترکہ اعلامیہ بھی شامل ہیں۔یاد رہے کہ پچیس سے ستائیس اپریل تک، بیجنگ میں دوسرے “دی بیلٹ اینڈ روڈ” انٹرنیشنل تعاون کے اعلی سطحی فورم کا کامیابی سے انعقاد ہوا. فورم کا موضوع تھا “دی بیلٹ اینڈ روڈ” کی تعمیر خوشحال مستقبل کے لیے. اس موقع پر منعقد ہونے والی گول میز کانفرنس میں چالیس عالمی رہنماوں نے شرکت کی جن میں چین سمیت اڑتیس ممالک کے سربراہان، اقوام متحدہ کے سیکرٹری جنرل اور بین الاقوامی مالیاتی فنڈ کے جنرل سیکریٹری شامل ہیں۔ اس فورم میں ایک سو پچاس ممالک اور بانوے بین الاقوامی تنظیموں سے تعلق رکھنے والی چھ ہزار سے زائد غیرملکی شخصیات نے شرکت کی۔