حضرت امام حسین نے دنیا پر ثابت کر دیا کہ دین حق کیلئے فنا بھی بقاء ہے،عامر صدیقی

راولپنڈی ( نیوزرپورٹر) سیدنا حضرت امام حسین نے ظلم و استبداد کے سامنے کلمہ حق بلند کیا آپ نے حق باطل کے درمیان واضح لکیر کھینچ دی حضرت امام حسین کا کردارپوری انسانیت کے لئے نمونہ عمل ہے ان خیالات کا اظہار مرکزی جلوس میلاد کمیٹی راولپنڈی کینٹ کے سیکرٹری اطلاعات محمد عامر صدیقی نے اجلاس سے خطاب میں کیا انہوں نے کہا حضرت امام حسین نے دنیا پر ثابت کر دیا کہ دین حق کیلئے فنا بھی بقاء ہے آپ نے معرکہ حق و باطل میں دین کی عصمت کیلئے لازوال قربانی پیش کرتے ہوئے صبر و استقامت کی اعلیٰ مثال قائم کی آپ نے دنیا پر واضح کر دیا کہ ظالم کے ساتھ رہنا جرم ہے ہمیں عداوت نہیں اخوت، رواداری کو فروغ دینا چاہئے اور اسلام کی سر بلندی کیلئے اللہ کی رسی کو مضبوطی سے تھامتے ہوئے تفرقہ بازی کا خاتمہ کرنا اور اتحاد و یکجہتی کو اپنانا ہوگا تاکہ معاشرے کو امن کا گہوارہ بنایا جاسکے۔