کشمیر یکجہتی کونسل کے چیئرمین جاوید راٹھور کی پارلیمنٹ کی کشمیر کمیٹی کے چیئرمین سید فخر امام سے ملاقات،مسئلہ کشمیر کے حل کے لئے پاکستانی کوششوں پر مطمئن نہیں ہیں

اسلام آباد(نیوزرپورٹر)کشمیر یکجہتی کونسل کے چیئرمین جاوید راٹھور نے کشمیر کمیٹی کے چیئرمین سید فخر امام سے پارلیمنٹ ہاوس میں ملاقات کی ، انہوں نے کشمیر کی موجودہ صورتحال پر تبادلہ خیال کرتے ہوئے گہری تشویش کا اظہار کیا ، انہوں نے کہا کہ اس وقت کشمیریوں کو شدید مسائل کا سامنا کرنا پڑ رہا ہے ، کشمیریوں پر ہونے والے مظالم کی دنیا میں مثال نہیں ملتی ، بھارتی فوج کے ہاتھوں انسانی حقوق کی بدترین پامالی کی جا رہی ہے ،ایسے میںلوگ پا کستان کی طرف دیکھ رہے ہیں جبک پا کستا ن کی طرف سے کوئی پیشرفت نظر نہیں آرہی جاوید راٹھور نے کہا کہ ہم مسئلہ کشمیر کو ہر فورم پر اٹھانے کیلئے جدوجہد جاری رکھے ہوے ہیں اور پاکستان کی حکو مت کو بھی اس طرح مو ثر طور پرکام کرنا چاہیے ، اس موقع پر کشمیر کمیٹی کے چیئرمین فخر امام نے کشمیر اشو کو عالمی سطح پر اجاگر کرنے پر بیرون ملک پاکستانی اور کشمیری کمیونٹی کی کوششون کو سرہا ۔ سید فخر امام نے کہا کہ ہم مسئلہ کشمیر کے حل کیلئے ہر ممکن کوششیں کر رہے ہیں ، مقبوضہ کشمیر میں جاری بھارتی مظالم کی بھرپور مذمت کرتے ہیں اور بھارت کو باور کراتے ہیں کہ وہ کشمیریوں پر ہونے والے مظالم کو فی الفور بند کرے ۔اس موقع پر کشمیر سالیڈیرٹی کونسل کے ڈپٹی سکرٹری جنرل سردار ظریف خان اور ڈائریکٹرجنرل کشمیر کمیٹی نسیم خالد بھی موجود تھے۔