اسلام آباد فٹ سال فیڈریشن نے ملک میں کورونا وائرس کے باعث سرگرمیاں 15 مئی تک روک دیں، چوہدری ضیا

اسلام آباد(سپورٹس رپورٹر)اسلام آبادسوکر فٹ سال فیڈریشن کے چیئرمین چوہدری ضیا نے کہا ہے کہ اسلام آبادسوکر فٹ سال فیڈریشن نے ملک میں کورونا وائرس کے باعث وفاقی دارالحکومت میں فٹ سال کی سرگرمیاں 15 مئی تک روک دیں ہیں۔انہوں نے کہا کہ ملک میں کورونا وائرس کی تیسری لہر بہت خطرناک ہے اور اس سے بچنے کیلئے پاکستان سوکر فٹ سال فیڈریشن نے اپنی تمام کھیلوں سرگرمیاں روک دیں ہیں۔ انہوں نے کھلاڑیوں پر زور دیتے ہوئے کہا کہ وہ کورونا وائرس سے بچنے کے لئے احتیاطی تدابیر اختیار کرتے ہوئے ماسک کا استعمال ضرور کریں اور حکومتی ایس او پیز کا خاص خیال رکھیں۔انہوں نے کہا کہ کھلاڑی انفرادی طور پر اپنے گھروں میں اپنی فٹنس کو برقرار رکھنے کے لئے ورزشیں کریں اور اپنی خوراک پر توجہ دیں۔ انہوں نے کہا کہ کورونا کی وبا ختم ہوتے ہی پاکستان سوکر فٹ سال فیڈریشن قومی مینز سوکر فٹ سال چمپئن شپ منعقد کروانے کا اعلان کرے گی۔ جس میں پنجاب، سندھ، بلوچستان، خیبر پختونخوا، آزاد جموں و کشمیر، گلگت بلتستان اور اسلام آباد کے علاوہ مختلف محکموں کی ٹیمیں حصہ لیں گی۔