سی پیک سے منسلک منصوبے آئندہ مالی سال میں جی ڈی پی کی شرح میں پانچ فیصد تک اضافے کو یقینی بنانے میں مدد دے سکتے ہیں، حکام سی پیک اتھارٹی

اسلام آباد: سی پیک سے منسلک منصوبے حکومت کو آئندہ مالی سال میں جی ڈی پی کی شرح میں تقریباپانچ فیصد تک کا اضافہ کرنے اور ترقیاتی اہداف کی تکمیل کو یقینی بنانے میں مدد فراہم کرسکتے ہیں۔ سی پیک اتھارٹی کے حکام کے مطابق سینیٹ میں سی پیک اتھارٹی بل منظور ہوچکا ہے اوراب حکومت کو اس بات کو یقینی بنانا ہوگا کہ سی پیک کا دوسرا مرحلہ کامیابی کی راہ پر گامزن ہو۔ حکومت تمام رکاوٹوں کو دور کرنے اور چینی سرمایہ کاروں کو راغب کرنے کے لئے کام کر رہی ہے حکومت کو کسی تاخیر سے بچنے کے لئے اپنی ڈیڈ لائن متعین کرکے منصوبہ بندی کرنے کی ضرورت ہے۔