اسلام آباد:چین کے ڈپٹی سفیر اور سی پیک کے نائب سربراہ لی جان ژا کی سینٹر رحمان ملک سے ملاقات،دونوں رہنماؤں نے پاک چائینہ تعلقات سمیت موجودہ علاقائی صورتحال پر تبادلہ خیال کیا۔جمعہ کو پاکستان میں چین کے نائب سفیر لی جان ژا نے سینٹ کی قائمہ کمیٹی برائے داخلہ کے چئیرمین سینٹر رحمان ملک سے ان کی رہائش گاہ پر ملاقات کی۔لی جان ژا نے سینیٹر رحمان ملک کو عید کی مبارک باد دی اور نیک خواہشات کا اظہار کیا۔سینیٹر رحمان ملک اور لی جان ژا نے پاک چائینہ تعلقات سمیت موجودہ علاقائی صورتحال پر تبادلہ خیال کیا۔سینٹر رحمان ملک نے کہا کہ سی پیک علاقائی ترقی اور امن و امان کا ضامن ہے۔ یہ منصوبہ ان شاء اللہ روز بروز ترقی کریگا اور پاک چین دوستی مزید مضبوط ہوگی۔انہوں نے کہا دونوں ممالک سی پیک کی کامیابی اور تکمیل کا عزم رکھتے ہیں۔پاک چین تعلقات مثالی ہے جس پر دونوں ممالک کی حکومتوں اور عوام کو فخر ہے۔
