اقدام سے نہ صرف ان چیمپیئن کھلاڑیوں کے کیریئر کی حفاظت اور توسیع میں مدد ملے گی بلکہ نئے ٹیلنٹ کو جانچنے اور تیار کرنے کا بھی موقع ملے گا
کراچی: انگلینڈ کے خلاف ٹیسٹ سیریز کے باقی 2 میچز میں بابر اعظم، شاہین اور نسیم شاہ کو شامل نہ کرنے پر سابق کپتان اور معروف آل رائونڈر شاہد آفریدی نے کرکٹ بورڈ کے فیصلے کی حمایت کر دی ہے۔ ایسے وقت میں جب ہر طرف سے کرکٹ بورڈ کے اس فیصلے پر تنقید ہورہی تھی شاہد آفریدی کا یہ بیان کرکٹ بورڈ کے لئے ہوا کا تازہ جھونکا ثابت ہوا ہے۔
قومی کرکٹ ٹیم کے سابق کپتان نے سوشل میڈیا پر ایک بیان میں کہا کہ بابر اعظم، شاہین آفریدی اور نسیم شاہ کو انٹرنیشنل کرکٹ سے بریک دینے کے فیصلے کی حمایت کرتا ہوں۔انہوں نے کہا کہ اس اقدام سے نہ صرف ان چیمپیئن کھلاڑیوں کے کیریئر کی حفاظت اور توسیع میں مدد ملے گی بلکہ نئے ٹیلنٹ کو جانچنے اور تیار کرنے کا بھی موقع ملے گا۔انہوں نے مزید کہا کہ سلیکٹرز کے اس فیصلے سے مستقبل کے لیے بینچ اسٹرینتھ کو مضبوط بنانے کا بھی موقع ملے گا۔
شاہد آفریدی کا یہ بیان ایک ایسے وقت میں سامنے آیا ہے جب کرکٹ بورڈ پر ہر طرف سے ان سنئیر کھلاڑیوں کو ٹیم سے ڈراپ کرنے پر تنقید ہورہی ہے۔
واضح رہے کہ ڈراپ ہونے والے کھلاڑیوں میں شاہد آفریدی کے داماد شاہین شاہ آفریدی بھی شامل ہیں۔
۔۔۔۔
