آل پاکستان محمد ماجد، عبدالناصر میموریل باسکٹ بال ٹورنامنٹ کا آغاز

کراچی: آل پاکستان محمد ماجد اور عبدالناصر میموریل باسکٹ بال ٹورنامنٹ کا آغاز آج (منگل) سے ہوگا،میر کراچی مرتضی وہاب صدیقی ایونٹ کی افتتاحی تقریب کے مہمان خصوصی ہونگے۔ پاکستان باسکٹ بال فیڈریشن کے ایسوسی ایٹ سیکرٹری اور ٹورنامنٹ ڈاریکٹر محمد یعقوب قادری کے مطابق دو جون تک کھیلے جانیوالے چھ روزہ ایونٹ میں پاکستان ایر فورس، واپڈا، پولیس، رینجرز، اسلام آباد، سندھ گرین، بلوچستان اور سندھ واٹ کی ٹیمیں مدمقابل ہونگی جنہیں دو پولز میں تقسیم کیا گیا ہے۔ٹورنامنٹ میں روزانہ چار میچز کھیلے جائیں گے جبکہ ایونٹ کے سیمی فانلز یکم جون اور فانل دو جون کو کھیلا جاے گا۔ محمد یعقوب قادری نے بتایا کہ ایونٹ کا افتتاح میر کراچی مرتضی وہاب صدیقی کرینگے جبکہ گورنر سندھ کامران خان ٹیسوری ٹورنامنٹ کی اختتامی تقریب کے مہمان خصوصی ہونگے جو کھلاڑیوں میں انعامات تقسیم کرینگے۔